يا مزاجو .. يا مزاجو

يامزاجو لما يكون رايق وياساتر اما بيدايق

بيهيص وهيصني يرقص ويرقصني

وساعات يتجنن ويبوسني واسكت علشان بحتاجو

 

من بعد الظهر بيبقي جميل ولحد الساعه اتنين بليل

وانا ببقي معاه على قد هواه ويقول ويغني ياعيني ياليل

ويروق ويورقني وان توهت يوفقني

وساعات بكدب ويصدقني منا اصل عرفت علاجه

لو يزعل يوم افضل مهموم ولا ادوقش النوم علشان ارضيه

وافضل زعلان طهقان زهقان كام ليله كمان وافكر فيه

وساعات بيجنني وكلامه بيشغلني

وانا هعمل ايه غصبن عني اصلي بخاف من احراجه