بعضهم لا شك يبالغه لجام
لافعوله .. لاكلامه .. يُحتمل
كل همَه بس يسعى للخصام
والخطا لا زاد .. يتعدى الزعل
من يحب الظلم يحيا ف الظلام
ما يطول النور لو مهما حصل
ما حشم نفسه ويطلب الاحترام
خاسرٍ .. مهزوم .. علمه والعمل

ماخذٍ مقلب في شخصه لين هام
والمرايا تعكس الصوره فشل
الغشيم إللي يعاني الإنفصام
عاش عمره بالرديَه .. والدجل
كنَه عقرب ليل رابي في الركام
وإلا ثعبانٍ لئيمٍ .. وإنتسل
حكيه الملغوم سمٍ بالسهام
لا إحتشام ولا بعد ذرة خجل

جعل عينه ما تقر .. ولا تنام
ولو غفلنا عنْه ربَي ما غفل
بان خبثه بالفعول وبالكلام
والفتن لاشك أشد من القتل
أفتخر وأعتز بالناس الكرام
والكريم يجود فعله .. لافعل
شامخٍ بالعز .. مابين الأنام
وللثريا نجمي العالي وصل