قمراي وانا الليل ولا لي سما الا سماك
صدقني اني لو سهرت الليل وعيوني حمر
اسهر على شانك على شان اسهرك واسهر معاك
و اواعدك و اقول انا مواعد مع القمرا قمر

قبل اللقاء تبرد يدي وانا احترق على لقاك
وانا انتظر هذا اللقاء على احر من الجمر
اجيك وانا الشاعر اللي علق احلامه وجاك
لو قلت لي لا تنهمر بجيك كلي منهمر

متعاطيٍ حبك ومدمن بك ومهلكني هلاك
ومروعٍ قلبي وقاتلني ودامرني دمر
تبيني ابين غلاك .. الله لايبين غلاك
تامر علي وعيونك الثنتين تامرني امر

انا اللي احبك واحبك من هناك الى هناك
محبهٍ لو مت منها ماجنيت الا ثمر
واحب نبرة صوتك المربك وهو فيه ارتباك
واحب خمرة وجهك الخمري وانا ماشرب خمر

ان زانت ايامي معك والا عسى عمري فداك
بتمرني الايام وأنت اللي على بالي تمر
واللحظه اللي معك انا ماعيشها وانا معاك
انا عشان اعيشها يبي لي اكثر من عمر