جيت ابا سلم عليك والله عالم نيتي
فاجأتني نظرتك وكل شيٍ كاتمه
تنتظر مني اطيح وتشمت انت بطيحتي
كل هذا في عيونك ياقليل الخاتمه

لا حبيبي تطمن عزتي عزتي
عيش احلامك وكمل حلمك اللي تحلمه
جيت اجددلك فراقي جيت اجدد خيبتي
وكل حلمٍ بك بنيته ايدي اللي بتهدمه

يعني ظنك لو اببعد عنّك تنقص قيمتي
لا ورب الكون حتى الندم ما بندمه
لو سألت انت الحنايا جاوبتك فذمتي
قالت انك كنت فيها وطحت طيحه مؤلمه

وبعد هجرك يا اناني فيني زادت هيبتي
واكتمل بي كل ناقص كان صعب اتممه
لو سألتك كيفك انت قلت عايش فرحتي
احسب انه مات واثره باقي حي مسيلمه