أرجوك بس النظر عيد عيد النظر
والله ما جيتك حبيبي أجبرك
انا اعتذر ان كان باقي لي عذر
وانا أوعدك اني أبد ما أقهرك

أرجوك أبي منك أنا فرصة عمر
فرصه ترجع نوم عين تسهرك
ارفق علي بالله لا تنوي الهجر
ومني وعد يا قلبي أجبر خاطرك

جيتك أمل وأحلام وأشواقي بحر
جيتك سما وغيوم حبي تمطرك
يا اجمل عمر ياللي ابتدى فيك العمر
وباقي العمر أبغيك فيه وأشعرك

ايه أعشقك ان كان ما عندك خبر
واني أحبك موت وجيت أخبّرك
انت الهوى وانت الهنا وأغلى البشر
يا غايتي وشلون قلبي يخسرك