صحيح إنا تفارقنا ولكن ما نسينا أمس
ترى كانت ليالينا ليالي تشرح الخاطر
حبايب كنا في عيني و في عينك حبايب بس
كتب ربي لنا الفرقا و ربي وحده القادر

مصير الليل يوادعنا مدام إن فيه طلعة شمس
مصير اليوم يفارقنا مدام إن باقي به باكر
و لكن تبقى ذكرانا مثل طاري يجي له همس
يذكرنا بماضينا و يبقى ماضي و حاضر

تفارقنا على النية توادعنا بطيبة نفس
و لا به حد منا باع ولا قصّر ولا كابر
لجل هذا بقى فينا حنين لذكريات الأمس
حنين أيامنها الحلوة و ماضي يشرح الخاطر