أجل يا ناثر الدمعة تعبر خاطرك مكسور … وفيته ما حصل منك تصرف ما عليك جبار

يقول اللي بحرف السين لا يامر وهو مامور … عجايبنا من الدنيا تكفينا عن اللي صار

أنا لو قلت ما حليت مشكلها بغير قصور … ولكن الله البالي وأقول اليوم يا ستار

أحب العشره اللي ما بها شكٍ ولا محذور … وأحب الندمة اللي تجمع الخيّر مع الاخيار

فضحني دمعي الجاري على فرقاك يالمذكور … عساه يوسع الخاطر بمرسولٍ يجيب أخبار

ألا يا نور من نورك تشعشع يا شبيه الحور … عساك تغيّر السيرة بحسن رضاك والتذكار

أنا ما طعت عذالٍ بحبك ما قبلت الشور … أعزك من معزتنا ولا نبدي لك الأعذار

جلسنا مجلس العادة وأكون بحضرتك مشكور … تبادلنا صداقتنا ولا نخفى لك الاسرار