والله ما بعتك ولا هو بمعقول .. ابيع ماضينا على شان كلمه

متّر هواك القلب بالعرض والطول .. وعدّاني حدود المحبه بسلمه

خلال يومين ٍ ثلاثين مرسول .. ارسلتها لا شك ما فيك رحمه

والقلب غيرك ما تولّع بمجمول .. حبك علي يا زين مكتوب قسمه

انت امام الله لا منيت مسؤول .. ومن يظلم الوالي يحملّه ظلمه

عزّي لقلب ٍ بين عاذل ومعذول .. عزّي لجسم ٍ ناحل ٍ نشف دمه

انا معك بالحب امشي على اصول .. في نور بدر ٍ بادي ٍ وسط ظلمه

اعاشرك ما اسمع اهل القيل والقول .. اكذّب الواشي ليا جاب علمه