رحت وبين لي غيابك وش غلاك
توه ربي ماكشفه وبينه
اسألك ياللي الجفا مني خذاك
كيفها الفرقا وعساها هينه

لا يهمك عِيب كل شي مني جاك
وكل زين شفته فيني شينه

رح وخلي اجمل سنيني وراك
قوي قلبك لا للحظه تليّنه
خل اجوعك واعطشك واشرب ظماك
والمح الفرقا بعينك بيّنه

لا تعوّد تحسب ان قلبي هذاك
اللي لجلك كل قاسي ليّنه

انت من فرّط في قلبي من غباك
لا تعاتب قدها خلقه مطينه
لا تبختر لا، ولا تطري وفاك
ماني زيّك، لا ولا انتب زيّنا

بيعمى قلبي مثل ماربي عماك
مانت الا م المصايب عيّنه

رحت وبين لي غيابك وش غلاك
توه ربي ماكشفه وبينه
اسألك ياللي الجفا مني خذاك
كيفها الفرقا وعساها هينه