ابشر من عيوني الثنتين
مثلك تلبّى مطاليبه
القلب ما يسكنه شخصين
واحد ويكفي تعذيبه

عذبتني بالهوى يا زين
وتعذيب الاحباب راضي به
تلعب بقلبي هبوب البين
ويبيع حبك ويشري به

الله اكبر حور هالعين
يسرق عيوني ولا أدري به
مجروح انا في الحشا جرحين
والثالث انته تسابيبه

عليك يا باهي الخدين
الهم يقبل ويقفي به
مجروح انا بالحشا
جرحين والثالث انت تسابيبه

اهواك يا ناعس الطرفين
وغيرك من الناس مالي به
القلب ما يسكنه شخصين
واحد ويكفي تعذيبه